ورمێ

بۆ پێشوازی‌ له‌ 2ی‌ رێبه‌ندان، رێوره‌سمێكی‌ به‌شكۆ له‌ لایه‌ن یه‌كیه‌تیی‌ ژنانی‌ دێموكراتی‌ كوردستان - كۆمیته‌ی‌ جێژنیكان به‌ڕێوه‌ چوو به‌مه‌به‌ستی‌ رێزگرتن له‌ جه‌ژنی‌ 2ی‌ رێبه‌ندان، شێست‌و چواره‌مین سالرۆژی‌ دامه‌زرانی‌ كۆماری‌ كوردستان‌و بۆ پێشوازیكردنی‌ گه‌رم له‌م بۆنه‌ نه‌ته‌وه‌ییه‌، رێوره‌سمێكی‌ به‌شكۆی‌ فۆلكووری‌ كوردی‌ له‌ لایه‌ن یه‌كیه‌تیی‌ ژنانی‌ دێموكراتی‌ كوردستانی‌ ئێران - كۆمیته‌ی‌ جێژنیكان له‌ بنكه‌ی‌ جێژنیكان به‌ڕێوه‌ چوو.
رێوره‌سمه‌كه‌ پێش نیوه‌رۆی‌ رۆژی‌ هه‌ینی‌ 25ی‌ به‌فرانباری‌ 1388ی‌ هه‌تاوی‌ پێك هات‌و تێدا ژنانی‌ دێموكراتی‌ كوردستان له‌ كۆمیته‌ی‌ جێژنیكان به‌ پێشاندانی‌ چه‌ندین دیمه‌نی‌ فولكۆری‌ كوردیی‌ تایبه‌ت به‌ چه‌ندین ناوچه‌ی‌ كوردستان سه‌رنجی‌ به‌شدارانی‌ به‌ره‌و لای‌ خۆی‌ راكێشا.سه‌ره‌تای‌ رێوره‌سمه‌كه‌ به‌ سروودی‌ نه‌ته‌وه‌یی‌ "ئه‌ی‌ ره‌قیب" ده‌ستی‌ پێكرد، پاشان ژنانی‌ به‌شدار له‌ به‌شی‌ كێبركێیێ‌دا، به‌ درووستكردن‌و نمایشكردنی‌ چێشت‌و نانی‌ فولكلۆری‌ كوردی‌ ‌و هه‌روه‌ها پێشاندانی‌ نمایشی‌ جلوبه‌رگی‌ كوردیی‌ ناوچه‌ جۆراوجۆره‌كانی‌ كوردستان سرنجی‌ به‌شدارانی‌ رێوره‌سمه‌كه‌یان به‌ره‌و لای‌ خۆیان راكێشا‌و له‌گه‌ل پێشوازیی‌ گه‌رمی‌ به‌شداران به‌ره‌وروو بوو. له‌نێوئاخنی‌ رێوره‌سمه‌كه‌دا تابلۆی‌ هه‌ڵپه‌ركێی‌ كوردیش پێشكه‌ش كرا.

دواتر له‌ لایه‌ن لێژنه‌ی‌ داوه‌رانه‌وه‌، باشترینه‌كانی‌ ئه‌و رێوره‌سمه‌ فولكلۆره‌ دیاری‌ كران‌و به‌م شێوه‌ راگه‌یاندران: شافیه‌ عه‌بدی‌ پله‌ی‌ یه‌كه‌م، شه‌یدا ره‌زایی‌ پله‌ی‌ دووهه‌م، هه‌روه‌ها روقیه‌ سه‌مه‌دی‌‌و شادی‌ یووسفی‌پوور به‌ هاوبه‌شی‌ پله‌ی‌ سێهه‌میان وه‌ده‌ست هێنا.

له‌ كۆتاییدا هه‌ڵپه‌ركێی‌‌و گۆڤه‌ندی‌ گشتیی‌ به‌شدارانی‌ رێوره‌سمه‌كه‌ی‌ زیاتر رازانده‌وه‌.